Голын урсгалд чулуу хөдлөх нь
Гархин ээмэг чихнээс чинь мултрах шиг чимээтэй
Гарцны тэртээд адуу тургилах нь
Гарцаагүй хан нэгэн аавын минь эзгүйд ирээд буцах шиг уйтай
....................................................................................
Сартай шөнө оддын гэгээ чулуунд халтирч
Салхинд бөхөлзөх өвс хөлийн минь улыг гижигдэнэм
Саахалтын зайд идээшлэх морьд од харавхад бөртийтөл тэнгэр ширтэн үүрсэж
Саргих горхины дэргэд суухад бүсгүй тэр минь л бодогдоном
....................................................................................
“Ээж” энэ үгийг
Хэзээ хэлж байгаагүй юм шиг
Эсвэл хаа нэгтээ
Хэсэгхэн газар нуучихсан
Яг л бодол шигээ
Хүмүүс ээж гэж ярихад би дургүй
Дургүй болохоороо дурладаг
Хэлэх дургүй энэ л үгэндээ
Хэтэрхий их хайртай. би
.....................................................................
No comments:
Post a Comment